22 dekabr 2025-ci il tarixində FAB Şirkətlər Qrupu 31 Dekabr – Dünya Azərbaycanlılarının Həmrəyliyi Günü və Yeni il münasibətilə “Birlik ruhunda Yeni il” konsepti altında xüsusi korporativ tədbir təşkil etdi.

Tədbirin rəsmi hissəsində 2025-ci ilin yekunlarına həsr olunmuş video təqdimatlar nümayiş olundu. Vurğulandı ki, bu il FAB Şirkətlər Qrupu üçün uğurlu inkişaf mərhələsi oldu. Beynəlxalq sərgilərdə iştirak, dünya bazarına çıxış imkanlarının genişlənməsi və 14 yeni satış mərkəzinin istifadəyə verilməsi bunun bariz nümunəsidir.

Rəsmi hissədən sonra tədbirin bədii proqramı başladı. Bu ilki Yeni il gecəsi təkcə sevilən sənətçilərin rəngarəng ifaları ilə deyil, eyni zamanda FAB əməkdaşlarının yaradıcılıq dolu çıxışları ilə də fərqləndi. Müxtəlif departamentlərin əməkdaşları musiqi, rəqs və digər istedadlarını nümayiş etdirərək tədbirə xüsusi ab-hava qatdılar.

Səmimiyyət,birlik ruhu ilə seçilən bu çıxışlar maraqla qarşılandı və simvolik mükafatlar, hədiyyələrlə dəyərləndirildi. “Birlik ruhunda Yeni il” tədbiri FAB Şirkətlər Qrupunun korporativ dəyərlərini, komanda ruhunu və ortaq uğura inamını bir daha nümayiş etdirərək yaddaqalan bir bayram gecəsi kimi tarixə düşdü.