30/09/2022

Neftçi Mühəndislər Birliyinin tələbələri "FAB" Şirkətlər Qrupunda

     30.09.2022-ci il tarixində Bakı Ali Neft Məktəbinin nəzdindəki Neftçi Mühəndislər Birliyinin bir qrup tələbəsi "FAB” Şirkətlər Qrupunun istehsal müəssisələrində oldular. Tələbələr məhsulların hazırlanma prosesini, "FAB Akademiyası” laboratoriyalarında həyata keçirilən sınaq və təcrübələri izlədilər. Onlara istehsal prosesində tətbiq edilən müasir texnologiya və avadanlıqlar, məhsul çeşidləri haqqında ətraflı məlumat verildi. Suallar cavablandırıldı.Ekskursiya iştirakçıarı FAB Akademiyasının konfrans zalında şirkətimizin fəaliyyətindən danışan videomaterialı izlədilər. Fikirlərini bölüşdülər. Simvolik hədiyyələrin təqdimatından sonra xatirə şəkli çəkdirildi. Ekskursiya xoş əhvali-ruhiyyədə başa çatdı.