az ru en

Xəbərlər


05/12/2020

"FAB BOYA" Azərbaycan Respublikasının Silahlı Qüvvələrinin Yardım Fonduna yenidən 50 000 manat vəsait köçürüb

Azərbaycan Respublikasının Silahlı Qüvvələrinin Ali Baş Komandanı Cənab İlham Əliyevin rəhbərliyi altında Ermənistanın hərbi təcavüzünün qarşısının alınması, Azərbaycanın ərazi bütövlüyünün bərpası uğrunda şanlı Azərbaycan ordusunun keçirdiyi döyüş əməliyyatları uğurla davam edir. Müzəffər Ordumuzun rəşadəti nəticəsində Füzuli, Cəbrayıl, Zəngilan rayonları, bir sıra yüksəkliklər və yaşayış məntəqələri düşmən tapdağından azad olunub.  Ordumuzun qazandığı uğurlar "FAB Boya və Kimya Sənayesi” MMC olaraq bizi qürurlandırır. Şirkətimiz Milli Ordumuzun haqq savaşına  dəstək məqsədilə növbəti dəfə Azərbaycan Respublikasının Silahlı Qüvvələrinin Yardım Fonduna 50 000 manat ianə edib.  İnanırıq ki, qısa zaman ərzində işğal altındakı bütün torpaqlarımızda üçrəngli bayrağımız dalğalanacaq, soydaşlarımızın vətən həsrətinə son qoyulacaq.

Qeyd edək ki, hazırda "FAB Boya və Kimya Sənayesi” MMC-nin 30-dan çox əməkdaşı Milli Ordumuzun sıralarında ölkəmizin bütövlüyünün bərpası uğrunda gedən haqq savaşında iştirak edir. İnanırıq ki, şəhidlərimizin qanı yerdə qalmayacaq. Qarabağ tezliklə azad ediləcək, ölkəmizdə sülh, əmin-amanlıq bərqərar olacaq.  Yaşasın Azərbaycan ordusu! Qarbağ Azərbaycandır!

 




Köməkçilərimiz

360 görüntü - virtual gəzinti

Sual-cavab

ustalarameslehet