az ru en

Xəbərlər


06/12/2020

FAB 19 İL SİZİNLƏ

Əziz və dəyərli dostlar!

Bu gün şirkətimizin 19-cu ildönümünün sevincini Sizinlə bölüşməkdən məmnunluq duyuruq. Diqqətinizə çatdırırıq ki, 2001-ci ildə müxtəlif təyinatlı inşaat boyaların istehsalı ilə fəaliyyətinə start verən "FAB” şirkəti hazırda Azərbaycanın tanınmış markaları sırasında ön pillələrdə qərarlaşır. Bu nailiyyətin qazanılmasında ölkəmizdə sahibkarlara yüksək dövlət qayğısının, həyata keçirilən səmərəli islahatların böyük rolu var. Azərbaycan Respublikasının Prezidenti, Cənab İlham Əliyevin tapşırıq və göstərişləri əsasında qeyri-neft sektorunun inkişafı istiqamətində görülən ardıcıl işlər şirkətimizin böyüməsinə, yeni istehsal sahələrimizin istismara verilməsinə stimul oldu.

Nəzərinizə çatdırırıq ki, 19 illik müştəriyönümlü fəaliyyətimizdə xidmət və işgüzar əlaqələrini genişləndirən, əməkdaşlarının, tərəfdaşlarının gözləntilərini qarşılayan, faydalı, güvənilən şirkət olmaq missiyamıza, dəyərlərimizə sadiq qaldıq. Cəmiyyətin maraqlarına, ətraf mühitin qorunmasına, insan sağlamlığı üçün zərərsiz, keyfiyyətdə üstün məhsulların hazırlanmasına məsuliyyətlə yanaşdıq.  İnsanların xeyirinə yönələn fəaliyyətlərin ümumi inkişafımıza fayda verəcəyinin fərqinə vardıq. Vətəndaşlarımızın sosial rifahının yaxşılaşdırılması istiqamətində dəstəyimizi əsirgəmədik. Qurduğumuz münasibətlərdə ədalət və qarşılıqlı hörmət prinsiplərini qorumağa həssaslıqla yanaşdıq. Gördüyümüz işlərin nəticəsidir ki, ölkənin keyfiyyətli boya istehsalçısı kimi tanınaraq ən yaxşılar sırasında layiqli yerdə qərarlaşdıq. Bu nailiyyətlərin qazanılmasında kollektivimizin hər bir fərdinin rolu danılmazdır. İnanırıq ki, qeyd etdiyimiz 19 yaş şirkətimizin parlaq gələcəyinin xəbərçisi olacaq. Qarşıda uğurlu, perspektivli nailiyyətlərlə yadda qalacaq daha neçə ildönümlərini birlikdə qeyd edəcəyik.

Bütün kollektivə, güclərini və səylərini şirkətimizin inkişafına sərf edən hər kəsə səmimi qəlbdən təşəkkür edirik. Ölkəmizə firəvanlıq, xalqımıza can sağlığı, tükənməz uğurlar arzulayırıq.

"FAB BOYA” şirkəti olaraq Sizinlə bərabər olmaqdan və Sizə xidmət etməkdən hər zaman qürur duyuruq!

 

 

Hörmətlə: "FAB Boya və Kimya Sənayesi” MMC-nin İdarə Heyəti



Köməkçilərimiz

360 görüntü - virtual gəzinti

Sual-cavab

ustalarameslehet