Ə.Veysəlov adına tam orta məktəbin şagirdləri "FAB Boya"da
04.05.2019-cu il tarixində Bakı şəhəri,Binəqədi rayonunda yerləşən Ə.Veysəlov adına tam orta məktəbin 8-ci sinif şagirdləri məktəbin kimya müəllimi Sevinc Əliyevanın rəhbərliyi altında "FAB Boya və Kimya Sənayesi"MMC-də ekskursiyada oldular. Gəzinti zamanı şagirdlər istehsal sahələri ilə yaxından tanış oldular. Şirkətimizin İctimaiyyətlə Əlaqələr və Reklam Departamentinin rəhbəri məktəblilərə məhsulların hazırlanma texnologiyası, tətbiq sahələri, sınaq prosesləri haqqında ətraflı məlumatlar verdi. Daha sonra FAB Akademiyasının konfrans zalında "FAB Boya"nın fəaliyyəti haqqında hazırlanan videomaterial nümayiş etdirildi. Şagirdləri maraqlandıran suallar cavablandırıldı. Sonda "FAB Boya" adından ekskursiya iştirakçılarına hədiyyələr təqdim olundu,xatirə şəkli çəkdirildi. [Gallery(239)]